Tuma Kontakto ku nos
Bel nos
Mail nos
Bishita nos
Reglanan di Kas
Bishitá Archivo Nashonal
Esaki ta loke bo mester sa durante bo bishita
Un archivo ta un asuntu partikulá di informashon, i ta un fuente di informashon balioso. P’esei e denominashon, “informashon mará na proseso”. E ta otro fo’i informashon for di a buki or for di a biblioteka, ku ta informashon prosesá, esta informashon den kua unor a prosesá su interpretashon or pensamentu. Informashon saká fo’i archivo di otro: ta trata di un fuente primario, sin interpretashon. Ta importante pa sa con pa uza e informacion aki, con pa compronde con pa uz’e, con pa uz’e lihe, con pa adapta of con pa interpreta e persona aki. Aki bou nos selektá algun tópiko di historia di Kòrsou.
Bishitá nos eksposishonnan riba e wèpsait aki òf e toppikonan riba “Canon of Curaçao” Nos ta spera ku esaki lo hasi bo kurioso pa hasi bo propio investigashon a base di fuentenan primario dje mesun tempu ei. Pasa na Archivo Nashonal libermente. Pasa serka nos, consulta ta gratis y semper lo bo wordo yuda ku bo preguntanan.
Preguntanan Frekuente
Algun pregunta frekuente:
Archivo Nacional ta e custodio di e archivonan di e actual pais Curaçao y di e ex pais, Antiyas Hulandes. Komo tal, Archivo Nashonal ta manehá e tesoronan di informashon di nos pasado. E tesoronan di informashon aki ta konsistí di archivonan kreá durante ehekushon di tareanan di gobièrnu.
E kolekshon ta inkluí tambe archivonan di organisashonnan privá i personanan.
Archivo Nashonal ta manehá kasi 4 kilometer di archivo, inkluyendo dokumentonan, mapanan, dibuhonan, potrètnan, negativonan, slides i videotape. E archivonan aki a wordo forma pa:
a. e gobièrnu sentral di e pais anterior, Antia Hulandes
b. institutonan privá i organisashonnan privá.
Pa haña mas informashon tokante e archivonan disponibel, bo por konsultá nos bista general di archivonan.
E indeksnan di e registronan di registro sivil di e islanan ku tabata pertenesé na e pais anterior di Antia Hulandes, esta Aruba, Boneiru, Kòrsou, Saba, St. Eustatius, i St. Maarten, ta optenibel online riba e wèpsait www.wiewaswie.nl. Y pronto tambe riba e website aki. E indeksnan digital aki tambe ta optenibel den e Sala di Lesamentu di Genealogia na Archivo Nashonal. E indeksnan ta kubri:
a. Nasementu, 1831 pa 1910;
b. Morto, 1831 pa 1950;
c. Matrimonio i divorsio, 1817 te ku 1930.
Ademas, e Archivo Nashonal tambe ta warda e indeksnan di e siguiente fuentenan genealógiko den forma digital, pero no online. Esakinan ta:
a. e registronan militar;
b. e nasementu i morto di katibunan, 1848 pa 1863;
c. e bukinan di siudadania;
d. registro di katibunan ku a skapa;
e. e registronan di registro sivil di nasementu, morto, i matrimonio i divorsio di Kòrsou.
f. e Kolekshon Juliana Brenneker.
Archivo Nacional ta habri pa bishitante:
Dialuna di 13:30 pa 16:30;
Diamars pa diahuebs di 08:00 pa 11:30 y di 13:30 pa 16:30;
Diabierna di 08:00 pa 11:30.
Bo no mester traha un sita. Bo por simplemente kana drenta durante oranan di ofisina riba e dianan ku nos ta habrí. Na bo promé bishita, nos ta pidi bo pa registrá komo bishitante. Identifikashon ta nesesario pa esaki pa medio di un forma di identidat bálido: un Cedula, un reibeweis bálido, òf un pasport bálido.
Unabes bo ta registrá, por fabor sigui i informá na un di e miembronan di personal di sala di lesamentu. E miembro di personal na e loket lo splica e proceduranan den e sala di lesamento. Lo bo risibí un sèt di regulashon di bishitante. Bo por wak e regulashonnan di bishitante aki riba nos wèpsait promé ku bo bishita.
Si bo ke sigurá di antemano ku un bishita ta bale la pena i útil, òf si bo tin kualke otro pregunta, por fabor sinti bo liber pa tuma kontakto ku nos via nos adrès di email òf via telefòn na (5999) 461 48 66.
Bo por haña informashon kon pa haña bo kaminda pa Archivo Nashonal riba nos wèpsait. Bo por haña tambe nos datonan di kontakto i orario di apertura einan via e sekshon di kontakto. Archivo Nashonal ta fásilmente aksesibel ku outo i rasonablemente aksesibel ku transporte públiko. E Archivo Nashonal ta situá na final di Scharlooweg, serka di Radio Hoyer, Hoyerplein i Julianaplein. Si bo ta bini ku outo, bo por stashoná den e lugánan di parker paden di Archivo Nashonal òf den e fasilidatnan di parker serka di Archivo Nashonal. Si bo ta bini ku transporte públiko, lo bo mester kana un distansia kòrtiku for di e bushalte kaminda bo ta baha.
Un bishita na Archivo Nacional ta gratis. Bo por pidi i wak dokumentonan di archivo, bukinan i kosnan asina grátis. Si bo mes ta hasi investigashon, bo no mester paga ningun gastu. Bo ta paga solamente pa laga hasi kopia i otro reprodukshonnan. E sosten ku bo por pidi serka un miembro di personal di sala di lesamentu tambe ta grátis. Si bo ta deseá pa personal di Archivo Nashonal hasi investigashon pa bo, lo kobra gastunan di investigashon. E investigashon ta wòrdu realisá na tarifanan fiho.
Si nos hasi e investigashon pa bo, lo bo mester paga gastunan di investigashon. Nos ta usa un tarifa di mei ora pa determiná e gastunan di investigashon. E tarifanan pa e diferente servisionan di Archivo Nashonal ta optenibel na e lessenaar di e miembro di personal di sala di lesamentu i riba nos wèpsait.
Bo mester entregá bo tarea di investigashon na nos por eskrito òf via email.
No, esei no ta posibel. E archivonan, kolekshonnan i kompilashonnan ku nos ta manehá por wòrdu konsultá solamente den e salanan di lesamentu di Archivo Nashonal. Esaki ta konta tambe pa e bukinan den nos biblioteka. Nos biblioteka ta destiná solamente pa duna sosten den e sala di lesamentu. Bo por, sinembargo, traha kopia di e material ku bo ta konsultá den e salanan di lesamentu na tarifanan fiho.
E Archivo Nashonal tin bia ta fia dokumentonan, dibuhonan i potrètnan na, entre otro, eksposishonnan temporal den museonan i otro institutonan di herensia na kas i den eksterior. Den e kasonan aki, Archivo Nashonal ta apliká un prosedura di fiansa ku ta kontené sierto kondishonnan.
Di akuerdo ku e Ordenansa di Archivo Nashonal, dokumentonan original por wòrdu konsultá grátis. Sinembargo, por tin motibunan pakiko esaki no ta posibel:
Restrikshonnan riba akseso públiko: En prinsipio, dokumentonan di archivo ta públiko despues di transferensia pa Archivo Nashonal. Esaki ta nifiká ku bishitantenan por wak e originalnan. Sinembargo, debí na e protekshon di e privasidat di personanan bibu, no por wak dokumentonan ku ta kontené informashon sensitivo pa privasidat. Esaki ta conta entre otro pa documentonan di archivo di Gabinete di Gobernador.
Disponibel riba mikrofiche, mikrofilm, òf digitalmente:
Fuentenan ku ta wòrdu konsultá frekuentemente ta òf ta wòrdu mikrofiche, mikrofilmá òf digitalisá. Bo por konsultá solamente e reprodukshonnan aki. Esaki ta pa protehá e originalnan. Originalnan por wòrdu konsultá solamente den sirkunstansianan eksepshonal, pa wòrdu determiná dor di e miembro di personal di sala di lesamentu.
Mal kondishon físiko: Dokumentonan por ta den un kondishon físiko asina malu ku ta iresponsabel pa laga nan sali pa konsulta. Pa despues haci uso di e documentonan aki, mester restaura nan prome.
Den proseso: Si un archivo ta wòrdu inventarisá, e dokumentonan por ta temporalmente indisponibel pa konsulta. Nos ta hasi nos best pa prevení esaki, i si esei no ta posibel, anto pa tene e aksesibilidat limitá mas kòrtiku posibel.
Den prinsipio Archivo Nashonal di Kòrsou no ta ekspandé su kolekshon dor di kumpra artíkulonan ofresé. Sinembargo, Archivo Nashonal ta aseptá ofertanan den forma di donashon si e material dokumental ta estrechamente relashoná ku e archivonan di gobièrnu i archivonan privá ku ya ta wòrdu manehá pa Archivo Nashonal. Ora e material ofresé no tin un relashon estrecho ku e archivonan di gobièrnu òf e tareanan di gobièrnu, nos ta referí donantenan potensial na otro institutonan di herensia.
Archivo Nashonal no tin informashon pa yuda lokalisá personanan bibu. E archivonan na Archivo Nashonal por lo general tin por lo ménos 50 aña bieu. Informashon tokante personanan bibu ta protehá pa, entre otro, leinan di privasidat. E archivonan di e Archivo Nashonal no ta útil pa duna informashon resien tokante individuonan.
Otro instansianan di gobièrnu ta poseé informashon usabel ku por yuda lokalisá personanan bibu.
por konsultá e “Atlas Históriko Topográfiko” pa e propósito aki. E kolekshonnan di imágen den moveshon mas importante ta:
• E pelíkulanan di Polygon (CHA);
• Kolekshonnan di RVD;
• Departamentu di Kultura i Enseñansa;
• Fundashon Kòrsou 500;
• Carmabi;
• Boeldak;
• Gabinete di Minister Plenipotensiario.
De meest belangrijkste geluidsmaterialen zijn de collecties
• ZIKINZA;
• FESSKA;
• AAINA;
• Antoin, Boeldak (oral history);
• Castillo;
• Kabinet Gevolmachtigde Minister;
• Tim de Wolf.
E digitalisashon di kolekshonnan ta dependé di un multitut di faktor. No ménos ta e gastunan, pero tambe demanda públiko, kondishon físiko, formato i letter di man (lesibel). Banda di digitalisa e documentonan mes mester krea indicenan digital tambe. Inicialmente, kolekshonnan organisá den serie tin e prioridat mas haltu pa esaki, manera registronan di registro sivil i karchinan di registro di milisia. Archivo Nashonal lo hasi su inventarionan digitalmente i online aksesibel den transkurso di tempu.
Bishitantenan no tin mag di traha fotokopia nan mes. Sinembargo, e Archivo Nashonal ta traha kopianan riba petishon di bishitantenan, pa un pago. Registronan frágil generalmente no ta wòrdu kopiá; sinembargo, ta posibel pa reprodusí nan usando un kámara digital. Un tarifa ta konta pa e servisio aki. Un tarifa diario ta konta pa reprodukshonnan fotográfiko múltiple. Un miembro di personal di sala di lesamentu por duna bo mas informashon tokante esaki.
Tur hende por hasi uso di e kolekshonnan di Archivo Nashonal. Bo no mester di un karta di introdukshon òf algu similar pa usa e servisionan di Archivo Nashonal.
Bo por trese ekipo ku bo. Sinembargo, tur saku i kònteiner mester wòrdu wardá den e kashinan pafó di e sala di lesamentu.
Kámara por wòrdu usá solamente ku lus natural. Pues, uso di un flash ta prohibí. Un tarifa ta konta pa reprodukshonnan fotográfiko (inkluso potrètnan trahá pa bo mes). Bo por puntra un miembro di personal di sala di lesamentu tokante e posibilidatnan pa saka bo mes potrètnan.
Skaner generalmente no ta permití pasobra mayoria di dokumento ta den mal kondishon físiko. Nan no por wòrdu skan debí na e fragilidat i ireemplasabilidat di e registronan di archivo.
Laptopnan ta, naturalmente, permití.
Pa manehá e archivonan balioso, Archivo Nashonal ta rekerí personal bon entrená den vários disiplina relashoná ku maneho di archivo. E empleadonan aki tin e tarea di prosesá, konservá, utilisá i hasi e archivonan balioso disponibel pa públiko en general.
E vakaturanan aktualmente a keda warda te ora e programa di Bachelor den Estudionan di Archivo (Skol di Archivo) na ICUC gradua kandidatonan kualifiká.