Siña mas di e historia di nos isla

Dikon nos ta konserbá nos historia realmente?

Eigenlijk, kada evento ta un evento di pasado. Pa ora bo kaba di lesa e frase aki, e ta kla kaba. E ta fresku ainda den bo memoria awor, pero den un siman, un luna òf un aña, probablemente lo bo a lubid’é. Mas leu un evento ta den pasado, mas grandi bo nesesidat ta pa usa yudansa pa bo memoria. Si bo ke ‘rekuperá’ un evento for di pasado, bo mester hasi investigashon; manera un detektivo, bo mester buska rastronan—kosnan chikitu (òf grandi) ku a keda atras for di pasado. For di esakinan, bo por “rekonstruí” e suseso, meskos ku un detektivo ta trese su “kaso” na un solushon. Rastronan importante di pasado ta archivonan, pero historianan di bo welanan, skernan for di tera, òf kustumbernan òf kantikanan di pasado tambe por duna hopi pista.

Na Archivo Nashonal, nos ta konserbá e archivonan di e atministrashon, di personanan importante, òf institushonnan. Tur e ‘rastronan’ aki por yuda bo kontestá e preguntanan ku bo ta hasi di pasado

Un archivo ta un asuntu partikulá di informashon, i ta un fuente di informashon balioso. P’esei e denominashon, “informashon mará na proseso”. E ta otro fo’i informashon for di a buki or for di a biblioteka, ku ta informashon prosesá, esta informashon den kua unor a prosesá su interpretashon or pensamentu. Informashon saká fo’i archivo di otro: ta trata di un fuente primario, sin interpretashon. Ta importante pa sa con pa uza e informacion aki, con pa compronde con pa uz’e, con pa uz’e lihe, con pa adapta of con pa interpreta e persona aki. Aki bou nos selektá algun tópiko di historia di Kòrsou.

Tambe, tira un bista riba nos eksposishonnan riba e wèpsait aki òf e tópikonan for di e Kanon di Kòrsou. Nos ta spera ku bo lo ta intrigá pa hasi bo mes investigashon usando e fuentenan primario di e tempu ei mes. Sinti bo liber pa pasa; consulta ta gratis, y semper lo bo wordo yuda cu bo preguntanan.
Pasa na Archivo Nashonal libremente. Konsulta di e diferente fuentenan ta grátis i semper lo tin un hende pa asistí bo ku bo preguntanan.