Organisashon

Mishon, Vishon i Metanan

Vishon

Desaroyá e Archivo Nashonal di Kòrsou komo un forsa ku ta uni pa promové e union di e nashon.

Ku dedikashon riba kaminda pa bira un sentro di informashon públiko moderno, ku ta e memoria i e konsensia di e pais.

Kontribuí na mehorashon di kalidat di funshonamentu atministrativo i promoshon di konsiensia históriko di e Pais.

Mishon

“Nos ta supervisá e maneho di e archivonan gubernamental ku mester selektá, nos ta sòru pa e maneho profeshonal di e archivonan ku no por destruí i e preservashon di nos patrimonio kultural históriko, ku ta e memoria di nos pais, ku e meta pa kontribuí na un mehorashon di kalidat di nos funshonamentu atministrativo i promoshon di nos konsiensia históriko.”

“Nos produkto final, suministro di informashon kultural-históriko, independientemente di nan forma (ribon papel, oudiovisual i tambe digital) ta disponibel pa públiko en general i investigadónan en partikular. Nos produktonan no ta solamente disponibel riba papel, pero tambe lo ta disponibel mas i mas via medionan nobo”.

“Nos ta aspirá na un servisio optimal na nos klientenan, pa bira un sentro di informashon, spesialisá den informashon di interes atministrativo/kultural-históriko, i un profesionalisashon kontinuo di nos área di trabou.”

Metanan

  • Organisá i aktualisá un maneho di informashon ku ta kumpli ku prinsipionan generalmente aseptá pa e funshonnan akí (e “Generally Accepted Recordkeeping Principles – GARP”);
  • Promové i desaroyá un “e-government”, ku atenshon spesial na “durabilidat digital”;
  • Desaroyá e Archivo Nashonal den un sentro di informashon públiko moderno, ku ta e memoria i e konsensia di nos pais i ta kontribuí na e desaroyo di nos sosiedat;
  • Organisá i optimalisá e funshon di supervishon independiente riba informashon di gobièrnu;
  • Organisá un formashon kontinuo pa profeshonalisá maneho di informashon, den henter gobièrnu;
  • E nombramentu di personanan di kontakto den e aparato;
  • Promové kalidat di atministrashon públiko, entre otro dor di supervisá e organisashon i mantenshon di e maneho di informashon (konfiabel, outéntiko, kompletu i lokalisabel).
  • Ehekushon di e tareanan asigná na e Archivo Nashonal den e Ordenansa di Archivo Nashonal.

Tareanan i Organisashon

Pa por logra e metanan menshoná aki riba adekuadamente, e Archivo Nashonal a forma tres área di tarea primario den e organisashon. Por distingui e input, e proseso i e output di e suministro di informashon públiko.

  • E input ta wòrdu duná dor di e Departamento di Inspekshon i Adkishon. E ta sigurá ku den un etapa trempan por transferí archivonan nobo na e Archivo Nashonal den bon estado i ordená.
  • E proseso ta wòrdu ehekutá dor di e Departamento di Maneho di Archivo i Servisio. E departamento akí ta sòru pa e prosesamentu nesesario pa pone e archivonan disponibel pa públiko (inkluso restorashon, inventarisashon, digitalisashon, konvershon).
  • E output ta responsabilidat di e Departamento di Maneho di Archivo i Servisio i tambe di e Departamento di Edukashon. E departamentonan akí ta sòru pa e archivonan den nos salonnan di estudio ta disponibel pa públiko gratuitamente. E kontaktonan direkto ku kliente ta wòrdu atendé dor di e departamentonan aki, meskos ku petishonnan pa informashon via telefòn, skirbí i elektróniko. E promoshon aktivo di e historia di Antia, por ehèmpel pa medio di eksposishonnan, lekturanan, publikashonnan, kursonan i foronan, ta un tarea di e Departamento di Enseñansa.

E inisio

Promé ku Archivo Nashonal Kòrsou, tabatin Archivo Sentral Históriko (ASH), ku a keda fundá 26 di ougùstùs 1969. Archivo Sentral Históriko tabatin komo enkargo pa mantené dokumentonan di gobièrnu den un estado bon i ordená, ku e meta pa pone nan disponibel na públiko i gobièrnu. Na promé instante a opta pa traspasá tur e dokumentonan te ku 30 aña bieu pa ASH. Na 1969 a traspasá tambe tur dokumentu di gobièrnu, di e periodo 1828 pa1939, pa ASH. Na aña 1989 a diseñá e promé Lei di Archivo, den kua a stipulá e periodo di traspaso di dokumento pa ASH na 40 aña. Aktualmente e periodo di traspaso ta 20 aña. E periodo di traspaso pa ASH ta koinsidí alabes ku e periodo di pone dokumentonan públikamente disponibel di nos pais. Na momentu ku e departamentonan di gobièrnu traspasá nan archivonan selekshoná pa ASH, outomátikamente nan ta bira públiko.

Dit is een constante. De doorstroom naar het Nationaal Archief is een van de belangrijkste principes in de informatiehuishouding. Het maakt deel uit van de Generally Accepted Recordkeeping Principles (GARP). Het is onderdeel van de levensloop van informatie.

Sinds haar oprichting heeft het Nationaal Archief middels overbrenging en actieve acquisitie haar archieven uitgebreid zodat bijvoorbeeld ook de oudste parochiearchieven en de archieven vanaf de vestiging van de West-Indische Compagnie in onze studiezalen door U zijn op te vragen. Van de periode na 1940 zijn enkele archieven overgedragen: bijvoorbeeld het archief van het Kabinet van de Gouverneur (1951-2010), het Rapportenarchief van de Dienst Ontwikkelingssamenwerking (DEPOS). Het Nationaal Archief maakt de ontvangen archieven – indien nodig – nader toegankelijk. Ze kunnen worden gerestaureerd, op microfilm gezet of gedigitaliseerd. De openbare aktes van de Burgerlijke Stand zijn door het Nationaal Archief digitaal geïndexeerd en op Internet te raadplegen.

Aparte di dokumentunan di gobièrnu, Archivo Nashonal a sa di atkirí archivonan privá interesante, tambe diferente korant, kasi 500.000 portrèt i negatif di portrèt, material oudiovisual di for di 1928 i un kolekshon amplio di mapa i pintura históriko. Huntu nan ta forma nos Memoria Nashonal. E kolekshonnan aki ta aksesibel pa tur hende di forma gratuito. E Memoria Nashonal ta fungi komo un sosten pa maneho di pais: e ta e depósito pa “dokumentunan di prueba” i informashon di maneho, ku ta na benefisio di un maneho públiko, eksakto i kontinuo. E Memoria Nashonal ta tambe na disposishon di públiko: e dokumentunan aki ta representá e historia skibí di nos pais.

E promé Lei di Archivo (Archieflandsverordening 1989), a drenta apénas na vigor na aña 1996. For di e momentu ei servisionan di gobièrnu sentral tin e obligashon di selektá nan archivonan i traspasá esakinan pa Archivo Nashonal. E Lei di Archivo aktual, ku a keda aprobá na aña 2008, ta stipulá e periodo di traspaso na 20 aña. Ku e desishon aki, nos pais ta sigui e desaroyonan internashonal pa loke ta trata e término pa pone dokumentonan disponibel pa públiko. Pais Kòrsou a heredá archivonan no selektá for di su predesesor hurídiko (Antia Hulandes), ku a keda disolvé na 2010. Entretantu e retraso den (e proseso di ) selekshon di archivo di Pais Kòrsou a yega un volúmen di mas òf ménos 25 kilometer largu. Banda di esaki a heredá un kantidat adishonal di mas òf ménos 15 kilometer largu, for di Teritorio Insular Kòrsou, ku tambe mester pasa den e proseso di selekshon.

For di 1996 e Algemeen Landsarchivaris (Archivero General di pais) ta supervisá maneho di archivonan di tur servisionan di gobièrnu sentral i tambe ta inspekshoná ehekushon korekto di e” fluho” (“lifecycle”) di informashon di gobièrnu pa informashon públiko. Archivonan ta konsistí no solamente di informashon di gobièrnu riba papel, pero tambe di informashon kreá via medionan digital i otro tipo di medio.

Entretantu a laga traha un depósito hiper moderno na Archivo Nashonal, pa ubiká e archivonan di Antia Hulandes i Teritorio Insular di Kòrsou. E depósito aki a hasi traspaso selektivo berdaderamente posibel. Selekshon di e archivo semi státiko di 40 kilometer largu, di e predesesornan hurídiko di Pais Kòrsou, ku ainda ta ubiká na diferente servisionan di gobièrnu, lo resultá den un redukshon di volúmen di mas òf ménos 80 pa 90%. Dies porshento lo keda traspasá pa Archivo Nashonal i sobrá lo bin na remarke pa keda distruí. Esaki lo resultá den un redukshon di mas di un mion pa loke ta trata gastu di almasenamentu. Na 2017 a kuminsá, den kolaborashon ku Intercontinental University of the Caribbean (ICUC), ku un Estudio di Archivo na nivel di Bachelor. Den e estudio aki a prepará tambe studiantenan pa aportá di manera aktivo i konsistente na redukshon di e retraso den e proseso di selekshon di archivonan.

Tareanan i organisashon

Archivo Nashonal ta hunga un ròl importante den e suministro di informashon públiko di nos pais. E ta e punto final den e siklo di bida di archivonan di gobièrnu. Pa por sirbi hinter e aparato di servisionan gubernamental i fasilitá e fluho di archivo di tur e servisionan di gobièrnu pa Archivo Nashonal, Archivo Nashonal a krea tres área di trabou primario den e organisashon. Ta trata di e áreanan di Input, Prosesamentu (Processing) i Resultado final (Output) di suministro di informashon públiko.

  • E input ta wòrdu duná dor di e Departamento di Inspekshon i Adkishon. E ta sigurá ku den un etapa trempan por transferí archivonan nobo na e Archivo Nashonal den bon estado i ordená.
  • E proseso ta wòrdu ehekutá dor di e Departamento di Maneho di Archivo i Servisio. E departamento akí ta sòru pa e prosesamentu nesesario pa pone e archivonan disponibel pa públiko (inkluso restorashon, inventarisashon, digitalisashon, konvershon).
  • E output ta responsabilidat di e Departamento di Maneho di Archivo i Servisio i tambe di e Departamento di Edukashon. E departamentonan akí ta sòru pa e archivonan den nos salonnan di estudio ta disponibel pa públiko gratuitamente. E kontaktonan direkto ku kliente ta wòrdu atendé dor di e departamentonan aki, meskos ku petishonnan pa informashon via telefòn, skirbí i elektróniko. E promoshon aktivo di e historia di Antia, por ehèmpel pa medio di eksposishonnan, lekturanan, publikashonnan, kursonan i foronan, ta un tarea di e Departamento di Enseñansa.

E tres tareanan primario ariba menshoná ta ser asesorá pa un departamento di asuntunan Personal i General, un sekretaria i un konsehero di maneho. Nan ta ehekutá e tareanan sekundario òf tambe yama tareanan di sosten. Archivo Nashonal ta traha segun plannan di maneho plurianual i plannan anual. Tur aña ta responsabilisá e tareanan pe medio di un relato anal. Pa loke ta e supervishon di maneho di informashon di gobièrnu, ta traha anualmente un rapòrt di inspekshon.


1. Input: Inspekshon & Atkisishon

E prosesonan primario di Archivo Nashonal ta kuminsá ku atkisishon di archivonan (digital òf riba papel) ku ta wardá na e diferente servisionan di gobièrnu sentral. Dado kaso e archivonan aki tin 20 aña di eksistensia, pa lei mester traspasá nan pa Archivo Nashonal. Ta traspasá solamente e archivonan no apto pa destrukshon (mas o ménos 10%). Tur sobrá ta ser destruí. E selekshon nesesario pa determiná esei ta parti di e maneho di archivo rutinario di e servisionan di gobièrnu sentral. E Archivero General di pais mester supervisá e maneho di archivo aki. Durante e inspekshonnan ta pone atenshon spesialmente na e maneho di selekshon di e servisionan. E inspekshonnan aki ta stimulá e aksesibilidat general i uniformidat den e maneho di informashon di gobièrnu. Finalmente inspekshon ta un instrumento pa mehorá e kalidat i aksesibilidat di atministrashon di gobièrnu. A kuminsá ku inspekshonnan for di 1996 i ta usa e datonan aki entre otro pa fiha e prioridatnan di maneho. Asina a krea un plan di aserkamentu pa selekshon di archivonan di gobièrnu, i por a fiha e nesesidat di espasio pa konstrukshon di e depósito nobo, a base di e datonan di inspekshon.

E departamento di inspekshon ta duna konseho solisitá i no solisitá i ta yuda husga e listanan di destrukshon, komo parti di e konsulta triangular legalmente obligatorio. E trabounan aki ta fasilitá e stipulashonnan di ‘Landsverordening openbaarheid van bestuur’ (kontestá un petishon pa informashon denter di 3 siman).

Archivo Nashonal ta atkirí banda di archivonan di gobièrnu, ku segun lei mester ser traspasá, tambe archivonan priva. E atkisishon di e último nan aki, mester sosodé di forma pro aktivo. Pa por hasi esei a fiha un profil di atkisishon. Ta atkirí archivonan priva ku ta suplementario pa archivonan di gobièrnu, te kaminda ta posibel. P’e motibu aki a añadí archivonan, manera archivonan eklesiástiko, archivonan di personanan spesífiko i algun archivo empresarial (Maduro & Curiel’s Bank, Spritzer & Fuhrmann, kolekshon di potrèt Fischer) n’e kolekshon históriko.

Algun di e atkisishonnan importante di e último añanan:

  • Het archief van het Kabinet van de Gouverneur van de Nederlandse Antillen (1951-2010)
  • Het Rapportenarchief van het Departement van Ontwikkelingssamenwerking (1911) 1962-2010
  • Het archief van de Projectorganisatie Ontmanteling Nederlandse Antillen (2007-2010)
  • Het archief van het Bureau Constitutionele Zaken (1994-2010)
  • Het archief van Bureau Overheidsinnovaties (BOI) (1994-2010)


2. Prosesamentu: Maneho di Archivo

Archivonan ku ser warda den e depósito Archivo Nashonal, ta pasa dor di un kantidat di proseso importante, pa kua e departamento di Maneho di Archivo ta responsabel. E departamento aki tin komo tarea pa transformá i mantené e archivonan den un estado bon, ordená i aksesibel. Pa por logra esaki por distinguí un kantidat di proseso:

  • (Sekshon &) Inventarisashon;
  • Restourashon & Benderei;
  • Fotografia / Reprodukshon;
  • Atlas topográfiko históriko & Material Oudio visual;
  • Maneho di depósito.

(Sekshon &) Inventarisashon;
En prinsipio por traspasá únikamente archivonan selektá bou di maneho di Archivo nashonal. Hasi selekshon di dokumento ta e tarea di maneho primordial di tur instansia ku ta warda dokumento (krea un archivo). I na Archivo Nashonal por hasi e dokumentonan traspasá, aksesibel (pa públiko).



Un ehèmpel di esaki ta e aktanan di Registro Sivil: Mediante un proyekto di diferente aña, Archivo Nashonal, ku yudansa di boluntarionan, a indeksá i hasi e aktanan aki aksesibel via internèt. Aktualmente por konsultá 112.032 akta di nasementu, 24.339 akta di kasamentu en 129.499 akta di fayesimentu via www.wiewaswie.nl

Archivo Nashonal a prosesá tur inventario den e programa Access to Memory (AtoM). Esaki ta un programa webbased, ku den futuro lo brinda e oportunidat konsultá e inventarionan via internèt. A deskargá e promé inventarionan riba internèt na aña 2015.. Na promé lugá a atendé e archivo kolonial i algun archivo di gobièrnu importante, inkluyendo e archivo di Gabinete di Gobernador di Antia Hulandes. AtoM ta un programa Open Source ku a ser desaroyá pa e empresa Kanades Artefactual, bou di ouspisio di International Council on Archives. Dosentenan di tantu Artefactual komo Hogeschool van Amsterdam a bin duna kolaboradónan di Archivo Nashonal kurso na Kòrsou. E proyekto ta ser ehekutá ku yudansa di boluntario.

Restourashon & Benderei
E sekshon aki ta responsabel pa warda e herensia den un bon estado òf restourá esaki. E aspekto mas importante di e trabou ta trata konservashon preventivo. Mester tene e dokumentonan den kondishon optimal i konstante. E departamento aki ta vigilá e kòntròl di temperatura, humedat di airu, sensibilidat pa ku rayo UV i e kondishon material di e dokumentonan. Un otro parti importante ta e konsientisashon di kon trata ku dokumentonan p’asina minimalisá e daño di uso òf konsulta regular. Kada grado di antigwedat ta rekerí su propio téknika spesífiko di konservashon i restourashon. Di e dokumentonan di papel òf pèrkamènt di mas antiguo te ku e dokumentonan digital di mas moderno: tur ta rekerí un kantidat di téknika pa por konservá nan p’e futuro generashonnan. Aki bou ta kai tambe konvershon i migrashon di dokumentonan (digital).

Fotografia / Reprodukshon
E sekshon aki trata e petishonnan pa reprodukshon fotográfiko òf digital. Banda di esei e ta registrá e kambionan karakterístiko di e sosiedat antiano di manera fotográfiko i ta duna asistensia na momentu eksposishon, publikashon i presentashonnan. Digitalisá òf traspasá korant riba microfilm tambe ta un tarea di e sekshon aki.

Atlas topográfiko históriko & Material Oudio visual
E sekshon aki su meta ta pa kompilá, konservá, ordená, hasi material visual relevante pa Kòrsou disponibel i manehá esaki di manera profeshonal. E kolekshon ekstenso di portrèt i negatif, mapa, pintura, skèts, karta, grabashonnan di oudio i visual ta keda krese pa medio di atkisishon, donashon, reprodukshon, produkshon i kompra. Ta warda e materialnan aki den un depósito apartá (èkstra friu).

Maneho di depósito
E sekshon aki ta responsabel pa e logístika entre e salanan di estudio i e depósito di archivo. E ta un elemento klave pa garantisá un servisio efisiente na klientenan. E kolaboradónan di Archivo Nashonal ta tradusí e preguntanan di e klientenan den number di inventarisashon, i finalmente ta hiba e dokumento konserní p’e klientenan. E sekshon aki ta sòru pa un bon logístika den e depósito i pa pone archivonan resien atkirí primeramente den karentena.


3. Resultado final: Servisio & Formashon

E konsenshi nashonal tin un balor agregá esaki ta aksesibel i por ser konsultá. Despues di pasa dor di tur e prosesonan ku e departamentonan di Inspekshon & Atkisishon i Maneho di Archivo ta ofresé, ta sigui e resultado final: e suministro di informashon históriko na públiko. Archivo Nashonal ta garantisá públiko akseso gratuito pa ku dokumentonan original. En prinsipio dokumentonan di archivo wardá na Archivo Nashonal, ta kompletamente públiko, públiko por konsultá nan libremente.

Netamente p’e motibu aki Archivo Nashonal ta ofresé diferente sala di estudio: unu pa investigashon históriko general, unu pa investigashon genealógiko (investigashon di palu di famia), un sala pa konsulta di material oudio visual i un espasio apart pa konsultá ‘microfilm’.

E departamento di Servisio no ta sòru solamente pa atendé klientenan pero tambe pa buska klientenan nobo. Esaki ta sosodé pa medio di promoshon aktivo, charla, publikashon, kurso, dianan habri, tayer, eksposishon i rekoridonan.

Organisashon & Hurisdikshon

Komo entidat di inspekshon, Archivo Nashonal ta aspirá pa operá independiente denter di e aparato gubernamental.Tambe e ta aspirá p’esaki keda reflehá den su organisashon. Esaki tabata e kaso denter di e aparato gubernamental di Antia Hulandes, komo ku, Archivo Nashonal, siendo e servisio ehekutivo (uitvoerende dienst) tabata kai pafó di tur ministerio i dirèkt bou di minister. Denter di e aparato gubernamental di Kòrsou, ainda mester laga e konteksto organisatorio i e tareanan legal di Archivo Nashonal konkordá ku otro.

Digitalisashon

Failnan ku ta bou di maneho di Archivo Nashonal ta birando mas i mas aksesibel digitalmente. Riba inisiativa di Archivo Nashonal, a bira posibel pa konsultá e índisenan di Registro Sivil via internèt. Banda di esei Archivo Nashonal ta sostené proyektonan di digitalisashon i tambe proyektonan di interkambio ku ta importante pa historia di Kòrsou. Den e kuadro aki a pone datonan, di katibunan ku a rekobrá nan libertat, online. Banda di esaki por konsultá e parti kurasoleño di e archivo di West Indische Compagnie via internèt i pronto tambe lo por konsultá e “New Amsterdam Papers” (Archivo na Albany, New York) online.

Un proyekto ku ta hopi importante pa Archivo Nashonal, ta konvershon di tur inventario di archivo den e programa Memorix. Esaki ta un programa webbased ku ta brinda e oportunidat pa konsultá e inventarionan via internèt. Anteriormente tabata usa e programa Access to Memory (AtoM), ku ta un programa open source ku e kompania kanades Artefactual, a desaroyá bou di supervishon di International Council on Archives). Dosentenan di tantu Artefactual komo Hogeschool Amsterdam a bini Kòrsou pa duna kolaboradornan di Archivo Nashonal diferente kurso, p’asina nan por familiarisá ku e programa. Banda di esaki kolaboradó i boluntarionan di Archivo Nashonal sigui diferente kurso di Picturae, un kompania eksperto den entre otro hasi fuentenan di archivo aksesibel riba internèt. Picturae ta tambe produktor di aplikashon Memorix ku aktualmente ta keda usá pa hasi e inventarionan aksesibel via internèt.

For di 2017 e inventario, potrèt i índisenan pa investigashon genealógiko ta aksesibel riba internèt di forma digital. Na 2016 a introdusí e Banko di Imágen digital i na 2017 e inventario i índisenan pa informashon genealógiko a bira aksesibel via di wèpsait di Archivo Nashonal.

Trahando na Archivo Nashonal

Tur vakatura habrí ta keda publiká via wèpsait di Gobièrnu di Kòrsou: https://gobiernu.cw/nl/vacatures/.

Banda di yena nos vakaturanan, nos tin mester tambe di boluntario. Nos boluntarionan ta yuda nos, por ehèmpel, ku indeksashon di registronan di Registro Sivil, deskribí i skan potrètnan, òf kombertí inventarionan den un Programa Standardisá. Bo ta interesá? Por fabor sinti bo liber pa tuma kontakto ku nos.

Bo ke eksplorá trabou komo gerente di archivo i herensia? Ademas di un afinidat ku historia lokal, un edukashon adekuá den Estudionan di Archivo ta importante. Esaki ta wòrdu ofresé tambe na Universidat di Siensia Apliká di Amsterdam, i pa un diploma B di Estudionan di Archivo, e Akademia Reinwardt ta un bon opshon. Desde 2008, e akademia aki a enfoká riba e tereno amplio di maneho di herensia, inkluyendo siensia di archivo. E akademia Reinwardt ta parti di e Universidat di Arte di Amsterdam.

Zie: www.ahk.nl/reinwardt/

Koperashon

Koperashon lokal i internashonal “Mutual Heritage Projecten”

E fuentenan di historia di Kòrsou no ta wardá solamente na Kòrsou. For di añanan ochenta kaba, Archivo Nashonal a entamá proyektonan pa disponé di reprodukshon di fuentenan relevante, p’asina bishitantenan na Kòrsou tambe por konsultá nan. Pa por logra esaki retnan di kontakto i koperashon riba nivel regional i internashonal ta fundamental. Esei ta stimulá, standarisashon, interkambio i best practices.

Danki na e proyektonan di pasa material riba microfilm di añanan ochenta, e Oud Archief Curaçao, wardá na Den Haag, por konsultá e archivo aki den e Reader Room di Archivo Nashonal.

Resientemente a digitalisá e “New Amsterdam Papers” (dokumentonan archivá na Albany, NY) i e registronan di e archivo di WIC (West Indische Compagnie) ku ta relatá na Kòrsou. Archivo Nashonal ta miembro di e asosiashon regional di Nationale Archivarissen uit de Caribische regio (CARBICA) i tambe di International Council on Archives (ICA).

Tin un obligashon hudisial pa interkambiá informashon entre e islanan di èks Antia Hulandes (Verdrag van Wenen 1983).

Archivo Nashonal ta miembro asosiá den e proyekto MIGAN. MIGAN, Memory of the Islands Gateway to Archival Networking, ta un plan ambisioso pa por interkambiá inventarionan di tur e miembronan asosiá di e region Karibense. Esei ta tuma lugá via un portal di wèpsait sofistiká. E proyekto aki, ku ta finansiá pa Union Oropeo, ta hasi interkambio di investigashon históriko komparativo posibel i duna un balor agregá na kada ken su ‘propio’ kolekshon. Un parti di e proyekto aki ta treinen di personal pa por introdusí standarisashon. Pa por logra esaki a tene tayernan di AtoM na Kòrsou na aña 2011. E proyekto AtoM/MIGAN ta un di proyektonan di término largu grandi di Archivo Nashonal, ku por ser integrá den otro proyektonan i ku por saka hopi bentaha (aksesibilidat, outomatisashon, konekshon ku e registrashon di bishitante i depósito) for di dje.

Riba nivel lokal Archivo Nashonal ta traha huntu ku Fundashon Amigunan di Archivo (Vrienden van het Archief). Tur kuartal e fundashon ta publiká un edishon dje revista, “De Archiefvriend”, konsistiendo di un kompilashon di artíkulonan históriko, mayoria di nan skibí for di fuentenan di archivo. Wèpsait di e fundashon: www.archiefvriend.com

Reservá un tour

Programá un tour